من نحن · About
بين الفكرة الجيدة والشخص المناسب فيه مسافة.
وُجد يونيكورنر عشان يمحي هذي المسافة.
الفصل Iلماذا وجدنا
Why we exist
المشروع ما يحتاج يمشي لحاله.
وراء كل مشروع قرارات كثيرة: وش يحتاج يتعدل، مين يساعده، وش الخطوة اللي بعدها. وغالبًا المؤسس يواجهها بين أدوات وخدمات وجهات متفرقة.
يونيكورنر يجمع هذي الرحلة حول مشروعك في مكان واحد — يفهمه الذكاء الاصطناعي، ويقرّب لك شركات وخدمات يحتاجها مشروعك، مع خصومات ومزايا حصرية للمؤسسين، وإذا جاء وقت الاستثمار يفتح لك باب الظهور والتواصل.
كل صاحب مشروع يتمنى بيئة متكاملة لمشروعه.
بداية أي مشروع غالبًا تكون مليانة أسئلة:
وش أحتاج أعدل؟
وش ناقص مشروعي؟
مين أحتاج معي؟
ومتى أكون جاهز للخطوة اللي بعدها؟
بدل ما يضيع المؤسس بين أدوات، شركات، آراء وخدمات متفرقة، بنينا يونيكورنور كبيئة واحدة تمشي معه في رحلته.
نبدأ بفهم مشروعك.
نحلله، نساعدك تشوف نقاط القوة والثغرات، ونراجع عرضك ونوضح لك وش يحتاج يتطور.
ثم نقرّب لك اللي تحتاجه في الطريق.
من شركات قانونية وتسويقية وتقنية ومساحات عمل وغيرها، بحيث ما تضطر تبحث وتبني كل شيء حولك من الصفر.
وإذا جاء وقت الاستثمار، القرار لك.
تقدر تنشر مشروعك، تظهر للمستثمرين، وتبدأ التواصل لما تكون أنت جاهز.
من فهم مشروعك، إلى تطويره، إلى الدعم اللي يحتاجه، إلى فرصة الاستثمار — كلها في مكان واحد.
مشروعك مكانه هنا.
كل شيء يبدأ من مشروعك.
مو من المنصة.
مشروعك هو نقطة البداية
كل ما عرّفت يونيكورنور أكثر على مشروعك، صار التحليل والمساعدة والتوصيات أقرب لوضعك الحقيقي — مو كلام عام ينقال لأي مؤسس.
مو لازم تنشر عشان تستفيد
تقدر تفهم مشروعك، تكتشف ثغراته، تراجع عرضك، وتستفيد من الأدوات والخدمات حتى لو ما كنت جاهز تظهر قدام المستثمرين.
وإذا احتجت شيء خارج الذكاء الاصطناعي، قرّبناه لك
من القانون والتسويق إلى التقنية ومساحات العمل وغيرها، نبني حولك شبكة من الشركات والخدمات اللي ممكن تحتاجها في طريقك، بدل ما تبدأ رحلة البحث من الصفر.
الاستثمار خطوة، مو البداية
إذا جاء الوقت المناسب، أنت تختار تنشر مشروعك، وأنت تختار متى تبدأ تظهر للمستثمرين ومع مين تبدأ التواصل. الاستثمار فرصة داخل الرحلة — مو كل الرحلة.
يونيكورنور ما يحطك في مسار واحد.
يبني حول مشروعك بيئة تتحرك فيها حسب اللي تحتاجه.
الفصل IVمن أين نبدأ
نبدأ من السعودية.
We start in Saudi Arabia
بدأنا من السعودية، من سوق يتحرك بسرعة وطموح مؤسسين يكبر يوم بعد يوم، ومن بيئة تجمع الفرص ورأس المال والقدرة على بناء شركات كبيرة. هنا فهمنا رحلة المؤسس من داخلها، وعرفنا وش يحتاجه فعلًا عشان يتحرك أسرع.
ومن السعودية بدأنا نتوسع إلى دول الخليج، والأردن، ومصر — لأن اللي بنيناه هنا نؤمن إن له مكان في أسواق المنطقة كلها. السعودية كانت البداية، ومنها ننطلق أبعد.
RIYADH · KSA · 24.7136° N · 46.6753° E
الأفكار الجيدة تستحق أن تصل إلى الأشخاص المناسبين.
يونيكورنر مبني من شركة يونيكورنر للذكاء الاصطناعي في الرياض — للمؤسسين الذين يجمعون التمويل هنا وللمستثمرين الباحثين عنهم.